都幾多人幫襯噶“潮盛隆”

聽朋友講京溪麥地呢度有間潮汕風味噶食店好旺，就算系平日都坐滿好多人響度幫襯，而且價錢唔貴，屬于性價比幾高個種！咁犀利？于是今日趁著去京溪麥地個邊辦事，順便就過去睇下乜環境先！按照朋友噶指引去到京溪麥地，再深入到個度D人稱作“走鬼街”噶腹地，見到好多人坐響度幫襯個間噶食店，就系“潮盛隆湯粉世家”啦！又真系幾多人啵，座無虛席，不過好在D人食完即走，所以流轉都幾快，間店雖然唔大，不過都幾幹淨整潔，因爲人多，老板同店員都忙到飛起，食店主要經營潮汕風味噶米粉，粿條，薯粉，面做成噶(湯，炒，撈)，價錢6-8-10，簡單，易記，抵食！我地兩個人要佐一碗十蚊噶牛丸湯粿條，一碗十蚊噶豬雜湯薯粉，大大的一碗，味道唔錯，食得飽飽的，特別系豬雜湯薯粉，薯粉我好少食，感覺幾好，豬雜新鮮，料足，好食！咁抵食，下次肯定再來幫襯啦！

謝謝樓主分享