性價比都幾高噶拉腸店

由光複中行入去高基南，因爲今日系正月十五，好多檔口都無開門，唯獨19號呢間無名噶拉腸店仲響度營業，而且生意都幾紅火(姑且叫距做石磨拉腸店吧)，呢間店鋪面好細，食客都坐響街上食嘢，店內陳設好簡陋，用紅白藍布做噶遮陽棚，好在店家執拾得幾幹淨，坐落都唔會有不適感！呢間店我依稀記得系個女仔一個人響度獨自經營噶，店名系叫做“石磨拉腸”噶，一個人忙唔過來，收錢都系食客自己想個錢兜裏面自己找續，宜家變佐系兩夫婦響度經營，距地個兩個仔都幾乖，休息都過來幫手，問老板娘頂手佐呢間店幾耐，老板娘話差不多有一年啦！睇過價錢牌，價格都幾實惠，要佐個豬雜粥，一碟豬潤腸，收11.5元，認真抵食！談話間一粥一份端上來啦，碟頭都幾大下啵，而且味道都唔錯，聽成日來幫襯噶街坊話:粥底系加佐江珧柱噶，全程無放到味精噶，食完都唔會覺得口喝，而且油系用純正噶花生油！真系好有良心噶老板啊！而且距噶豉油調味得幾好，辣醬都幾好食，講返豬雜粥，粥噶味道真系唔錯，夠稠夠綿滑，幾好味，豬雜好新鮮，就系粉腸偏韌佐少少，唔夠厚，拉腸系就系夠薄，不過可能系機磨噶緣故，覺得唔夠滑，有少少“鞋”，因爲豬潤唔夠，加佐魚片，覺得豬潤好食，魚片一般！來呢間店食嘢性價比都算幾高嘎啦，如果唔系，呢度系做街坊生意噶，生意唔會咁紅火噶！