~金碧輝煌話“金唐”

三元裏齊富路有間豪華噶酒家~金唐海鮮酒家！因爲檔次比較高(大堂招牌下用玻璃櫃裝著一座用價值不菲噶海南黃花梨做成噶“步步高升”，間間豪華包房都系用吉祥數字命名)，整個大廳金碧輝煌，坐得都幾舒服，所以呢間酒家系附近三元裏人飲茶聚會噶聚集地之一！而且呢度噶出品性價比都幾高嘎！今日朋友相約來到呢間“金唐海鮮酒家”飲茶，因爲呢度飲茶系分時段噶，第一時段系六點八折，第二時段系九折，我地來到噶時候剛好系到第二時段，所以好快就摞到位啦，點佐九款點心(金唐深海蝦餃皇，排骨拼鳳爪，瑤柱珍珠糯米雞，泮塘馬蹄糕，京都米網窩帖餃，勝瓜花斑魚片粥，湯灼唐生菜，蔥油豬手寬心面，雞蛋撻拼叉燒酥)，除佐泮塘馬蹄糕差佐少少(太糊口)，蔥油豬手寬心面因爲沽清其實已經取消但系都計埋入數之外(呢個需要投訴兼吐槽下噶，管理有點混亂噢)，其余噶出品都可以，唔錯嘎，特別系金唐深海蝦餃皇(新鮮爽口彈牙)，京都米網窩帖餃(清爽不油膩)，湯灼唐生菜(新鮮爽口清甜)呢幾款最值得推介，埋單158，人均40，性價比都幾高下噶，畢竟系響咁高大上噶酒家飲茶啵！