~大佛寺對面噶“六福”

朋友相約，來到北京路同西湖路交界噶廣百百貨樓上，十樓噶“六福海鮮酒家”飲茶，因爲呢度星期一到星期五茶市點心一律13.8，星期六日茶市點心一律14.8，茶位六蚊，而靠近窗邊，可以望到大佛寺噶茶皇廳，茶位八蚊，非常之抵！上到去先發覺，人都幾多啵，而且因爲樓層矮，覺得都幾有壓迫感，同有D悶熱，都幾嘈雜下！除佐呢D，其他都覺得幾好！尤其系出品(我地點佐六福蝦餃皇，蟹籽燒賣皇，醤皇蒸鳳爪，沙爹金錢肚，黑椒蒸大腸，排骨蒸陳村粉，脆皮鮮蝦腐皮卷，古法馬拉糕，香煎韭菜餃，香煎芋絲糕，時菜灼雙丸)，真系唔錯嘎，人均28蚊，性價比都幾高下，有機會過開去個邊，唔嫌嘈噶，可以去試下噶！