屋受論壇wuso.me

標題: 雞年大餐，越食越有機。 [打印本頁]

作者: Kikiloveu 時間: 2017-3-4 16:28
標題: 雞年大餐，越食越有機。
雞年有新機，過年大餐，打算系柏悅酒店悅軒西餐廳度過。作爲一個有要求的饕餮，當然要食得招積坐得舒適。一直鍾情的柏悅酒店悅軒西餐廳，系大年初一到初七夜晚都聯手悅景軒的廚房做自助餐。

(, 下載次數: 0)

沙拉方面汁好好，冷盤都好多正嘢，出品都系一流。

湯有中式和西式龍蝦湯，自己系屋企唔識做，要飲多2碗龍蝦湯。中湯出品可以媲美利苑，不過比較普通。
冷鮮方面：超級無敵新鮮的長腳蟹和加拿大岩蚝，都食唔少。澳洲帶子都系好鮮甜的。呢3個食得最多。
熱菜方面：只有湛江雞做得出色，其它的燒鵝、燒肉比較一般。鬼佬chef好想同我傾計，可惜我英文太弱雞，講唔到2句，佢夾左N多的香煎龍利魚比我，又嫩有滑又入味，相當不錯。

(, 下載次數: 0)

主菜要做美極九節蝦和XO醬爆炒和牛。九節蝦出品相當可以，每只蝦都處理過，讓客人食起身唔會比刺到。XO醬炒M9和牛，好嫩好靓，但味道偏鹹，不過只食牛肉的話系唔覺的，食配菜就鹹左滴。全場最名貴的菜，當然要吃翻本，點左2份用來配氣泡酒。

(, 下載次數: 0)

講好的N種大連鮑魚做法，其實系叫先上，唔系任摞，哭暈一萬年。遠年陳皮蒸鮑魚，好苦，配汁一般，但鮑魚相當彈牙好食。白灼個只點芥末醬油，相當一流。
甜品比較敗筆，都系冰凍的，朋友食唔慣，不過還好有出色的芒果西米露補翻條數，還算冇遺憾。

用餐免費停車，服務好到不得了，環境相當浪漫，價錢不貴，E app買498元。

歡迎光臨屋受論壇wuso.me (https://wuso.me/)