屋受論壇wuso.me

標題: ~揸“榴灘” [打印本頁]

作者: Youcanseeme 時間: 2017-2-27 00:22
標題: ~揸“榴灘”
(, 下載次數: 2)

(, 下載次數: 2)
今日比我發現響大佛寺隔離有一間叫做“榴灘~榴蓮主題餐廳”噶食肆，因爲個名比較特別，而我本身就系一枚榴蓮控，所以不管三七二十一，馬上入去幫襯，完全無揸“榴灘”呢！呢間餐廳店面雖然唔系好大(表面睇)，不過因爲“榴灘”呢個名比較特別，而且個店名系用燈管砌成噶，閃閃發光，所以都幾搶眼球嘎！入到點四周圍睇下，以爲無乜特別，純粹系街邊小食店噶形式，其實唔系嘎，店員提醒我地，話二樓仲有噶，可以搭電梯又或者行樓梯，上到二樓一睇，先發覺原來二樓系別有洞天，別有一番風味，雖然出面因爲靠廚房，油煙味重D，不過入到去裏面就唔多覺得啦，而且風景都不一樣啦，坐落都幾舒服！用團購要佐個蘇丹王果泥，22蚊，其實系用榴蓮肉做成噶雪糕，可能系未到季節期？覺得榴蓮有D生硬，榴蓮味唔夠香濃，做成雪糕又唔夠綿滑，性價比唔高啵，唔推薦！跟住要佐幾款點心:榴蓮糯米糍，12蚊兩只(呢個夠綿滑啦，不過榴蓮味都系無乜)，榴蓮炸彈，10蚊兩只(呢個其實就系炸湯丸，同樣系榴蓮味唔夠)，榴蓮脆脆，10蚊一份(其實就系切開佐噶榴蓮幹，口感一般，粉味太重)，呢幾款點心加埋都要35蚊，性價比更加低，飲白開水都系收3蚊茶位費，未試過去試下都無妨，試過之後無下次咯！

(, 下載次數: 2)

(, 下載次數: 2)

(, 下載次數: 2)

歡迎光臨屋受論壇wuso.me (https://wuso.me/)